Në Washington janë optimistë me sinjalet e Serbisë në dhjetë ditët e fundit dhe konsiderojnë se Beogradi do të pranojë realitetin në Kosovë. Kështu u ka thënë medieve serbe, njohësi i rrethanave politike në SHBA, Obrad Kesiq. Ai paralajmëroi presion të ri të amerikanëve ndaj Serbisë që të shtyjë serbët në veri të Kosovës ta pranojnë autoritetin e Prishtinës. Sipas Kesiq, Departamenti i Shtetit do të shfrytëzojë dëshirën e Serbisë për t'u anëtarësuar në BE. Amerikanët, siç vlerësoi Kesiq, optimizmin e tyre e mbështesin edhe në diskutimin që është bërë në parlamentin serb dhe deklaratës së Ministrit të Jashtëm Vuk Jeremiq, se Serbia nuk do të hyjë në konflikt me Brukselin e Washingtonin për Kosovën. Serbia ka dashur edhe BE-në edhe Kosovën, ndërkaq, pas opinionit të GJND-së, Kesiq mendon se do të mbetet edhe pa njërën edhe pa tjetrën.

 

< Paraprake		Pasuese >