Ashtu siç ka paralajmëruar Klan Kosova në disa furra nga dita e martë është shtrenjtuar çmimi i bukës për 10 cent. Ky shtrenjtim ka ardhur pas ngritjes së grurit e miellit në masë prej rreth 35 për qind. Kryetari i shoqatës së furrtarëve të Kosovës Halit Xoxa tha për Klan Kosova se vendimi i ngritjes së çmimit nuk është marr kolektivisht por individualisht nga furrtarët. Deri tani 100 kilogram miell kanë kushtuar 24 euro ndërsa tani 34 euro. E në rast të ngritjes së çmimit të miellit Xoxa paralajmëron rritje edhe më të madhe të çmimit të bukës madje deri në 50 cent. E tërë ky shtrenjtim erdhi pasi në gjithë botën u rrit çmimi i grurit si pasoj e zjarrit në Rusi që zvogëloi në masë prej 27 milionë tonë rendimentet. 

< Paraprake		Pasuese >