Kundër kushteve dhe hezitimit për të njohur Kosovën, si një shtet të pavarur, India rezervon qëndrimin e saj për rezultatin që paraqiti GJND-ja. “Ne po studiojmë opinionin e GJND-së për çështjen e Kosovës”, ka thënë për mediet lokale zëdhënësi i ministrisë së jashtme të Indisë, Vishnu Prakash.  Sipas tij, pozita e Indisë për shpalljen e pavarësisë së njëanshme nuk ka ndryshuar, dhe qëndrimi saj është se India heziton ta njohë Kosovën. Por ky fakt atëbotë shpjegohej se është pengesë e disa çështjeve ligjore të cilat ishin pjesë e deklaratës së njëanshme të pavarësisë. Ndërsa për të njohur një shtet, Nju Delhi zyrtar, pati thënë se ajo duhet të jetë në pajtueshmëri me bazën e një shteti, i cili ka territorin e definuar, një qeveri e cila është e pranueshme nga populli, dhe që ka kontroll efektiv mbi një pjesë të qeverisjes.
 

< Paraprake		Pasuese >