Ndërtesa e Aeroportit të Prishtinës është vendi i preferuar i Ministrit të Jashtëm kosovar, Skender Hyseni, për të bërë diplomaci dhe për të fituar njohje të reja. Por, ai nuk i pranon kritikat pse aktivitetin lotues e zhvillon vetëm në selinë e OKB-së. “Faliminderit për ato kritika por janë aq të paqëlluara sa nuk mund të merrni me mend”, ka thënë Hyseni pasi ftoi gazetarët në konmferencën e tij për shtyp, menjëherë pas kthimit nga New York-u. Hyseni u kthye të enjten Sh.B.A-ja ku qëndroi për rreth dy javë. Atje tha të ketë pasur me dhjetra takime me përfaqësues të vendeve që nuk e kanë njohur Kosovën. Mirëpo, sado që opinioni i GJND-së ka ndryshuar situatën, për shkak të pushimeve verore duhet pritur pak për njohje të reja. “Njohjet do të vijnë shumë shpejt, është koha e pushimeve dhe janë 50 shtete të ligës arabe në pushim kolektiv për shkak të Ramazanit”, ka thënë ai. Shefi i diplomacisë kosovare pohoi të ketë takuar dhe ka bashkërenduar hapat e ardhshëm me vendet mike të Kosovës. Ministri i Jashtëm konsideron se ka bërë shumë mirë që ka kërkuar në Këshillin e Sigurimit të OKB-së rezolutë të re për Kosovën. Për këtë ccështje Hyseni tha se nuk e ka ndërmend të merret me kritikat e analistëve kushdo qofshin ata.
 

< Paraprake		Pasuese >