Një burrë i moshuar ka humbur jetën pasi është përplasur nga një kamion i madh mallrash.
Sipas policisë viktima ishte duke kaluar rrugën në momentin që kamioni po vinte me shpejtësi më të madhe nga sa lejohet në rrugën magjistrale të Fushë Kosovës. Drejtuesi i mjetit nuk ka pasur mundësi manovrimi, dhe i moshuari që dyshohet se është rreth 55-60 vjec, ka rënë poshtë gomave të krahut të djathtë të makinës.

Përplasja e fortë nuk i ka lënë asnjë mundësi mbijetese edhe pse në vendngjarje kanë mbërritur menjëherë ekipi i emergjencës, të cilët vetëm kanë konstatuar vdekjen e tij të menjëhershme. Policia bën të ditur se është arrestuar dhe me urdhër të prokurorit është dërguar në mbajtje 48-orëshe shoferi i kamionit. Për viktimën nuk dihet asnjë e dhënë përvec moshës së përafërt, pasi në trup nuk i është gjendur asnjë dokument identifikimi, e për këtë dyshohet se ajo mund të ishte nisur për ndonjë vizitë afër banesës së saj ose për të blerë në supermarket. Viktima është dërguar në morgun e qytetit të Prishtinës ku ende nuk është paraqitur asnjë familjar për ta kërkuar, ndërsa pritet të kryhet ekspertiza mjeko-ligjore. Burime pranë policisë thonë se 60 vjecarja mund të ketë qenë duke jetuar vetëm e ndoshta për këtë arsye askush nuk e ka shpallur në polici si person të humbur.

< Paraprake		Pasuese >