Në shtatë muaj, Administrata Tatimore e Kosovës ka realizuar 131 milion euro të hyra, e thënë ndryshe, është realizuar me 61 përqind të planit vjetor. Gjatë prezantimit të punës së ATK-së, drejtori i përgjithshëm Behxhet Haliti, tha se plani i paraparë është realizuar në një masë të kënaqshme për periudhën Janar 2010 – Korrik 2010. Sipas drejtorit Haliti, vetëm për muajin korrik ka pasur një ngritje të madhe të të hyrave në krahasim me atë që ishte paraparë. Gjatë këtij muaji janë regjistruar 28 milion euro të hyra në arkat e ATK-së. Behxhet Haliti gjithashtu ka thënë se faktorët kryesor që po ndikojnë në rritjen e të hyrave si dhe plotësimin e planit për vitin 2010, janë institucionet e ndryshme të zbatimit të ligjit, që kanë dhënë një ndihmë të madhe në realizimin e punës së administratës tatimore. Ndërkohë ATK-ja thotë se edhe bizneset e reja kanë qenë një factor mjaft i rëndësishëm për të realizuar këto të hyra, në shtatë muaj.
 

< Paraprake		Pasuese >