Policia e Kosovës ka identifikuar Shaqir R. Kuqi (1991) dhe Alfred F. Zylfaj (1988) nga komuna e Suharekës, si të dyshuar për rastin vrasje dhe grabitje e armatosur të raportuar ditë më parë në një shtëpi banimi në Vragoli të Fushë Kosovës.

Identifikimi i personave në fjalë është bërë pas procedurës hetimore në vendin e ngjarjes, ekzaminimit të provave dhe informatat e pranuara nga dëshmitarët e rastit, thuhet në një komunikatë të Policisë së Kosovës.

Pas identifikimit të personave të dyshuar janë zhvilluar katër kontrolle në katër lokacione të ndryshme në rajonin e Prizrenit, por akoma nuk janë lokalizuar të dyshuarit.

Informatat për personat e shpallur në kërkim nga Policia e Kosovës janë shpërndarë në të gjitha pikat e kalimit kufitar dhe të gjitha stacionet policore. Policia u bënë thirrje të gjithë qytetarëve që nëse këta persona të dyshuar vërehen të kontaktohet menjëherë policia përmes telefonit mobil 192 ose përmes linjës tokësore 092 ose përmes kontaktit të drejtpërdrejtë me zyrtarët policorë. Të gjitha informatat do të trajtohen në mënyrë konfidenciale.

Shaqir R. Kuqi dhe Alfred F. Zylfaj dyshohet të kenë vrarë Rasim Gashin, 60-vjeç, para dy ditësh, pasi më parë ishin konfrontuar me të në përpjekje për ta plaçkitur shtëpinë e tij.
 

< Paraprake		Pasuese >