Azem Syla mori një rrugë jo fort të zakonshme. Ish komandanti i shtabit të përgjithshëm të UÇK- së iu drejtua prokurorisë speciale. I shoqëruar nga avokati Tom Gashi, ai iu përgjigj thirrjes së prokurorit , për t’u marrë në pyetje lidhur me akuzat e Nazim Bllacës. Bllaca, duke pretenduar se ishte pjesëtar i SHIK-ut, pati përmendur emrin e Sylës, vitin e kaluar, si të përfshirë në një seri të krimesh të rënda të ndodhur gjatë dhe pasluftës së fundit. Takimi më prokurorin nuk zgjatë më shumë se një orë e gjysmë. Syla tha nuk ka lidhje me pretendimet e Bllacës, ndërsa avokati Gashi u shpreh se klienti i tij është i gatshëm t’u përgjigjet serish ftesave të prokurorisë. Por nuk beson se dicka të tillë do të ketë edhe në të ardhmen. Avokati i Azem Syles, Tom Gashi është i bindur plotësisht në pafajësinë e klientit të tij. Një javë më parë, policë dhe hetues të EULEX-it bastisën shtëpinë e Azem Sylës në fshatin Kishnarekë të komunës së Drenasit.
 

< Paraprake		Pasuese >