Mbledhja e jashtëzakonshme e KS të OKB –së për Kosovën, u duk si një bumerang për Serbinë dhe Rusinë si kryesuese e rradhës së OKB por edhe inisiatore e këtij debati.

Britania e Madhe, nëpërmjet zëvëndës ambasadorit të saj në OKB Filip Parham, në sesionin e mbrëmshëm, bëri të qartë mbështetjet e fortë karshi shtetit më të ri të botës.

Ndërsa ka bërë thirrje për dialog politik mes Serbisë dhe Kosovës, zëvendës ambasadori britanik në OKB paralajmëroi ashpër Beogradin. Ai ka thënë se nuk mund të ketë më kthim negociatash mbi statusin e Kosovës apo kufitjë e tij ekzistues, pasi sipas tij çdo përpjekje për të vazhduar në këtë rrugë do të vendoste Serbinë në një ballafaqim me ato vende që e kanë njohur Kosovën.

Ai e quajti rastin e Kosovës, rast unik dhe nuk përbën precedentë duke shktuar se ka ardhur koha që t’i jepet fund debateve rreth pavarësisë së Kosovës. “Britania e Madhe mbështet sovranitetin dhe integritetin territorial të kosovës , I cili ëhstë më i fortë se kurrë”, tha zëvendës ambasadori britanik në OKB, Filip Parham. Parham, ka theksuar se Britania e ka mirëpritur mendimin këshilldhënës të Gj.N.D-së, i cili i është përgjigjur pyetjes së shtruar nga Asambleja e Përgjithshme se pavarësia e Kosovës është në përputhje me të drejtën ndërkombëtare. “Ne besojmë se opinioni i Gj.N.D-së do të inkurajojë vendet të cilat ende nuk e kanë njohur ende Kosovën”. Parham ka theksuar se Britania e Madhe do të rezistojë me forcë kundër cdo përpjekjeje për ndonjë ide, për ndarje të Kosovës.


 

< Paraprake		Pasuese >