Vendet anëtare të Këshillit të Sigurimit pas diskutimit të zhvilluar të martën kanë lejuar pjesëmarrjen e ministrit të Jashtëm të Kosovës Skënder Hyseni në cilësi personale në mbledhjen e Këshillit të Sigurimit.

Pjesëmarrja e Hysenit do të jetë e njëjtë si në takimet e mëparshme të kësaj strukture.

Hyseni do t'i drejtohet Këshillit të Sigurimit ku do të diskutohet raporti i rregullt tremujor i kreut të Kombeve të Bashkuara, Ban Ki-Mun.

Në takim do të jetë i pranishëm edhe shefi i UNMIK-ut Lamberto Zanier dhe shefi i diplomacisë serbe, Vuk Jeremiç.

Ky është takimi i parë i KS-së për Kosovën pas publikimit të opinionit të GJND-së.

Dje, gjatë takimit me sekretarin e përgjithshëm të OKB-së, Ban Ki Mun, ministri Hyseni kërkoi zëvendësimin e rezolutës 1244.

< Paraprake		Pasuese >