Shtatë zyrtarë të Policisë së Kosovës janë suspenduar nga puna, për shkak të zhdukjes së disa pajisjeve të njësitit të specializuar të policisë.Këta polic kanë qenë përgjegjës për sigurimin e transportit të pajisjeve gjatë zhvendosjes së njësiteve të specializuara nga Kishnica e Lebana në kampin Vrellë, në afërsi të aeroportit të Prishtinës. Tek pas zhvendosjes policia ka vërejtur se u mungojnë një kuti me fishekë për trajnim, një kuti me 1 mijë fishekë, disa bateri të llojit ”Shtejnlajn”, rripa dhe një studio muzikore. Sipas policisë, ata janë suspenduar për shkak se ose kanë pasur lidhje me procesin e transportit, dislokimit të pajisjeve policore nga dy bazat, ajo e Kishnicës dhe ajo e Lebanës, ose për çështje të sigurisë për të cilat kanë qenë përgjegjës për sigurimin edhe gjatë transportit.
 

< Paraprake		Pasuese >