Liga Botërore Islame i ka dhënë mbështetje opinionit të Gjykatës Ndërkombëtare të Drejtësisë për Kosovën. Vendet anëtare të kësaj lige kanë miratuar unanimisht një deklaratë me të cilën ftohen shtete islame që nuk e kanë njohur pavarësinë ta respektojnë opinionin e GJND-së dhe ta njohin Kosovën si shtet. Ambasadori i Kosovës në Arabinë Saudite, Rexhep Boja, ka pohuar për Klan Kosova se kjo është një mbështetje e madhe për institucionet e Kosovës. Apeli i sajë, sipas tij, do të ndikoj pozitivisht edhe në takimin e 3 gushtit, të Këshillit të Sigurimit për Kosovën në të cilin Serbia pretendon të interpretoj në favor të saj opinionin e GJND-së. Boja thekson se tashmë ekziston disponim i mirë në mesin e vendeve të gjirit persik që shumë shpejtë të marrin hapa konkret për ta njohur pavarësinë e Kosovës. Me këtë deklaratë për veq që u bëhet thirrje vendeve islame ta njohin Kosovën, ata ftohen edhe të ndihmojnë popullin e sajë në forcimin e institucioneve shtetërore.
 

< Paraprake		Pasuese >