Presidenti i Kosovës, Fatmir Sejdiu dhe komandanti i KFOR-it gjeneral Markus Bentler, kanë biseduar të hënën për gjendjen e përgjithshme të sigurisë në vend, si dhe për bashkëpunimin e ngushtë të institucioneve vendore me të gjitha kontingjentet e KFOR-it.

Me këtë rast, kreu i vendit tonë çmoi punën e jashtëzakonshme që ka bërë KFOR-i në Kosovë, si dhe kontributin e drejtpërdrejtë që po japin ekspertët e KFOR-it për ngritjen dhe profesionalizimin e FSK-së.

Ndërsa, komandanti Bentler tha se KFOR-i mbetet i përkushtuar për ta siguruar një mjedis të qetë dhe të sigurt për të gjithë qytetarët e Kosovës, njofton Zyra e Presidencës.


 

< Paraprake		Pasuese >