Opinioni Gjykatës Ndërkombëtare të Drejtësisë, për ligjshmërinë e pavarësisë së Kosovës interpretohet ndryshe në Serbi. Beogradi ua ka dërguar rrëfimin e saj për opinionin e GJND-së të gjitha shteteve anëtare të OKB-së. Në një dokument rreth dyfaqësh, thuhet se Gjykata e Botës e ka lënë të pakryer punën e statusit që duhet të zgjidhet me bisedime mes palëve. Këtë interpretim autoritete serbe e kanë dërguar të bashkëngjitur me draftrezolutën e deponuar në OKB më 28 korrik me të cilën synon fillimin e bisedimeve të reja për Kosovën. Në pjesën ku janë elaboruar pikëpamjet serbe për opinionin e GJND-së, theksohet se debati në Kombet e Bashkuara në sesionin e 64’t Asamblesë së Përgjithshme duhet të përqendrohet për çështjet që nuk i ka prekur Gjykata. Ata kanë alarmuar që Kosova mos të njihet nga asnjë shtet, pasi në këtë mënyrë paragjykohet edhe debati për Kosovën.
 

< Paraprake		Pasuese >