Një ditë para takimit të Këshillit të Sigurimit të Kombeve të Bashkuara për Kosovën, kreu i diplomacisë kosovare, Skënder Hyseni do të takojë Sekretarin e Përgjithshëm të Organizatës së Kombeve të Bashkuara, Ban Ki-Moon.
Ky takim, siç njofton Ministria e Punëve të Jashtme të Kosovës, është në vazhdën e takimeve që Hyseni do të zhvillojë me përfaqësues diplomatikë të përhershëm të vendeve të akredituara në OKB.
Hyseni, do të marrë pjesë të mërkurën në mbledhjen e jashtëzakonshme të Këshillit të sigurimit për Kosovën në të cilën do të shqyrtohet opinioni i GJND-së.
Siç raportojnë mediat e Serbisë kjo është pika kritike e radhës për Serbinë dhe raportet e saj me SHBA-në e BE-në.
Burime në qarqet e afërta me ato të kreut shtetëror, thonë se fjalimi i ministrit të jashtëm të Serbisë, Vuk Jeremiqit, para Këshillit të Sigurimit do të përqendrohet në shpjegimin e GJND-së që i ka dhënë legjitimitet pavarësisë së Kosovës dhe ftesa vendeve që të mos e njohin Kosovën derisa Kuvendi i Përgjithshëm i OKB-ve të mos diskutojë për këtë.
 

< Paraprake		Pasuese >