Pritet që sot në Prishtinë të arrijë zv/Ministri i Punëve të Jashtme të Greqisë Dimitris Drutsas i cili ka filluar turin e tij për nxitjen e dialogut Prishtinë Beograd pas mendimit të Gjykatës Ndërkombëtare të Drejtësisë dhe procedimin e saj në Asamblenë e Përgjithshme të OKB-së. Para mbërritjes së tij në Kosovë Drutsas, është takuar në orët e vona të së premtes me Presidentin serb Boris Tadiq dhe Ministrin e Punëve të Jashtme Vuk Jeremiq. Ai ka thënë në Beograd se Bashkimi Evropian nuk ka dërguar në OKB një rezolutë, por ka theksuar se vendet antare po koordinojnë një mendim të përbashkët në lidhje me këtë çështje. Diplomati Drutsas i cili përfaqëson Greqinë, vendin që zëshëm ka theksuar se nuk e njeh pavarësinë e Kosovës, ka thënë se qëndrimi i vendit të tij nuk do të ndryshojë, karshi shtetit më të ri në botë.
 

< Paraprake		Pasuese >