Boris Tadiq doli në Tarë, në një vend piktoresk në Serbi. Ai u duk se ka nevojë për relaksim, pasi është në presion të madh. Rezoluta për Kosovën, që Beogradi e dorëzoi në OKB e prishi atë me ndërkombëtarët, që thanë se janë befasuar me veprimin e Serbisë. Tadiq tha se megjithatë ka pasur një komunikim me të huajt dhe u bëri thirrje atyre ta kuptojnë momentin nëpër të cilin po kalon vendi i tij.

 “Serbia nuk duhet ta befasojë askë. Ne ndodhemi në një moment të rëndë, historik, politike dhe të sigurisë dhe pas gjnd-së neve na është vështirësuar mbrojtja e integritetit tonë në Kosovë e metohi”, tha Boris Tadiq. 

Sipas tij, nxjerrja e rezolutës serbe në OKB nuk do të jetë aspak e lehtë dhe u shpreh se do të jetë sukses i madh nëse Beorgadi arrin ta shtyjë atë në punimet e Asamblesë së Përgjithshme.

Boris Tadiq tha se: “Ajo t’i ndihmojë zgjidhjes së krizës me dialog, me të cilin të gjitha palët duhet të fitojnë dicka që nënkutpn se edhe të gjitha palët duhet të humbin diçka. Tadiq bëri thirrje te ndërkombëtarët të mos rriten tensionet për shkak të kësaj rezolute. Por, një gjë e tillë tashmë është bërë në Beograd. Bile, te politikanët serbë, si puna e partisë së Tomislav Nikoliqit.

“Partia përparimtare popullore nuk e kupton pse qeveria nuk u konsultua me ndërkombëtarët. Na u tha se kjo do të bëhet me qëllim që të përpilohet një rezolutë që do të jetë e pranueshme për shumicën, e jo për një që nuk do të ketë kurrfarë gjasash në OKB”, thotë nënkryetari i SNS-së Aleksandër Vuciq. 

Mënyra si u punua në lidhje me rezolutën, sipas Vuçiq, do të përfundojë me rezultat të keq për Serbinë.

“Si do të dalim mirë nëse 27 vende të BE-së do të jenë kundër rezolutës sonë ose për një rezolutë të veten. Cili është rezultati final i kësaj, nuk po kuptoj asgjë”. Ai tha se politika aktuale që po udhëhiqet nga pozita aktuale është shuam e dëmshme për Serbinë.  

< Paraprake		Pasuese >