Ministri britanik për Evropën, David Lidington, ka thënë se opinioni i Gjykatës Ndërkombëtare të Drejtësisë i dha fund çdo lloj argumenti për statusin e Kosovës. Ai ka porositur Beogradin se duhet të lërë mënjanë çështjen e statusit dhe të pranojë realitetin se është fqinje me Kosovën e pavarur. Serbia duhet të bëjë çmos për një të ardhme më të mirë për popullin e saj ashtu edhe atë të Kosovës, ka shtuar Lidington në një intervistë për BBC-në. Ai shtoi se Serbia duhet të angazhohet për një dialog konstruktiv me Kosovën fqinje për zgjidhjen e çështjeve praktike. "Kosova është një realitet si shtet i pavarur, ka theksuar Ministri britanik për Evropën. Përsa i përket kërkesës së Serbisë për bisedime të mëtejshme për statusin, ai tha se i kupton reagimet e forta në Serbi, por theksoi se qëndrimi i Mbretërisë së Bashkuar është i qartë se opinioni i GJND-së shënon fundin e çdo argumenti lidhur me statusin e Kosovës.
 

< Paraprake		Pasuese >