Bastiset shtëpia e Azem Sylës në Kishnarekë të Drenasit. Operacioni i policisë së EULEX-it është bërë lidhur me hetimet në rastin Bllaca. Ish-komandanti i Shtabit të Përgjithshëm të UÇK-së Azem Syla, në momentin e bastisjes nuk kishte qëlluar në shtëpinë e tij. Misioni evropian ndërkaq ka njoftuar përmes një komunikate se e gjithë kjo punë është autorizuar nga Gjykata e Qarkut në Prishtinë. Siç mësohet jo-zyrtarisht, EULEX-i pritet t’i dërgojë në ftesë për t’u lajmëruar në prokurori Azem Sylës, i cili është zyrtar i lartw i PDK-së. Sipas dëshmitarëve në vendngjarje, bastisja ka nisur herët në mëngjes ndërsa ende vazhdon. Nazim Bllaca në paraqitjen e tij para medieve kishte akuzuar Azem Sylën, si urdhërues i të gjitha rastet për të cilat Bllaca u rrëfye.

< Paraprake		Pasuese >