"Mendimi i Gjykatës Ndërkombëtare të Drejtësisë nuk i jep të drejtë shqiptarëve të Kosovës". Kështu shkruhet në editorialin e të shumëkritikuarit, Ministrit të Jashtëm serb Vuk Jeremiq. Shefi i diplomacisë së Beogradit shkruan se zyrtarët e Prishtinës, po keqinterpretojnë vendimin e Gjykatës së Botës. Sipas tij, GJND as që e ka vërtetuar se pavarësia e Kosovës është një rast unik, dhe assesi nuk i ka dhënë të drejtë Prishtinës për të bërë secesion , apo edhe të drejtë për vetëvendosje. Interpretimi i shtrembëruar i shqiptarëve, sipas Jeremiq, mund të sjell skenarë të këqij, aq sa secili kufi i ndonjë vendi multi-etnik, do të ishte i kërcënuar nga lëvizjet secesioniste. Tutje në ediotorialin e Ministrit të Jashtëm serb, thuhet se GJND-ja i ka lënë vend Asamblesë së Përgjithshme të Kombeve të Bashkuara, për të gjetur zgjidhje për këtë çështje. Jeremiq apeloi se OKB-ja do të duhet të prodhojë një qasje pozitive për krahinën serbe, me qëllim që të gjendet mënyra se si të mbyllet kutia e Pandorës, e cila u hap nga Prishtina.
 

< Paraprake		Pasuese >