Ministri i jashtëm i Serbisë Vuk Jeremiq tha sot para Parlamentit të Serbisë se 55 shtete janë në prag të njohjes së pavarësisë së Kosovës, dhe se qeveria serbe është duke bërë të pamundurën që ta parandalojë këtë. Në diskutimin para Kuvendit serb, për rezolutën e cila duhet të përcaktoj hapat e ardhshëm të Serbisë, shefi i diplomacisë serbe ka propozuar që në shtator të dorëzohet një rezolutë në Asamblenë e përgjithshme të Kombeve të Bashkuara, me të cilën synohet rihapja e negociatave për statusin e Kosovës. Ministri Vuk Jeremiq ka pranuar se situata për Serbinë paraqitet të jetë e rënduar, meqë opinioni i GJND-së ishte i padrejtë për shtetin serb, meqë u konstatua se shpallja e pavarësisë së Kosovës nuk ishte në kundërshtim me të drejtën ndërkombëtare, ç’gjë Serbia e refuzon kategorikisht.

< Paraprake		Pasuese >