Presidenti i Republikës së Kosovës, Fatmir Sejdiu po zhvillon sot një vizitë informale në Tiranë. Ai ka zhvilluar menjëherë pas arritjes një takim me Presidentin e Shqipërisë Bamir Topi. Kreret kane apeluar ndaj zyrtareve te shtetit të Serbisë për tu treguar më bashkëpunues në Rajon. Sipas dy krerëve, Serbia duke njohur Kosovën si shtet do të ishte brenda linjës së vendeve të Ballkanit, atë të integrimit. “Shpresoj që dhe Presidenti i Serbisë, Boris Tadic të bëhet pjesë e kësaj njohjeje, pasi vendet në rajon kanë treguar që dinë të bashkëpunojnë, pasi të gjitha vendet e rajonit janë në një linjë, atë të integrimit”, ka thënë Topi për mediat shqiptare. Sejdiu nga ana e tij përgëzoi Shqipërinë për rolin e fuqishëm që ka luajtur për Shqipërinë. Republika e Shqipërisë mbetet e fuqishme për kauzën tonë si për lirinë dhe për zhvillimin e vendi tonë”. Axhenda e vizitës së Presidentit Sejdiu përfshin takim të veçantë dhe me kryeministrin Sali Berisha, me të cilin do të japë dhe një konference për shtyp. Vizita në Tiranë e Presidentit Sejdiu vjen dy ditë pas dhënies së opinionit këshillimor nga Gjykata Ndërkombëtare e Drejtësisë.
 

< Paraprake		Pasuese >