Kuvendi i Kosovës ka miratuar një deklaratë me të cilën e mbështet vendimin e GJND-së. Nëpërmjet kësaj deklarate është kërkuar nga Serbia që të krijojnë raporte të mira fqinjësore si dy shtete të pavarura për të mirën e qytetarëve të dy vendeve.
Me deklaratën e miratuar deputetët kosovar falënderuan SHBA-në dhe BE-në për mbështetje. Ndërkaq nga kjo e fundit ka kërkuar një unifikim të qëndrimit ndaj Kosovës duke bërë thirrje tek ato 5 vende që nuk e kanë njohur pavarësinë ta bëjnë një të tillë.
Thirrje u është bërë edhe vendeve të tjera të botës që ta njohin pavarësinë e Kosovës, në mënyrë që edhe shteti më i ri në botë të jetë pjesë e organizatave ndërkombëtare. Pas miratimit të deklaratës, për deputetet ishte organizuar një koktej.
 

< Paraprake		Pasuese >