Bashkësia ndërkombëtare duhet të respektojë opinionin e GJND-së, thotë kryetari i Parlamentit Evropian, Jerzhi Buzek. Sipas tij, mendimi i Gjykatës së Botës është krejtësisht i qartë, se shpallja e pavarësisë së Kosovës nuk ka thyer ligjet ndërkombëtare. Mirëpo, siç thotë ai, pajtimi nuk do të arrihet përmes akteve gjyqësore, por atëherë kur popujt në Ballkan të jenë të gatshëm të jetojnë, lëvizin dhe tregtojnë lirshëm dhe në paqe. Edhe një numër i grupeve politike në Parlamentin Evropian mirëpriten opinionin e Gjykatës Ndërkombëtare të Drejtësisë, dhe i bënë thirrje Serbisë që të pranojë rezultatin dhe të punojë në drejtim të rregullimit të raporteve të mira ndër-fqinjësore me Kosovën.
 

< Paraprake		Pasuese >