Policia e EULEX-it, ka arrestuar Guvernatorin e Bankës Qendrore të Kosovës Hashim Rexhepin. Aksioni është ndërmarrë në në zyrën e tij në BQK e cila ndodhet në rrugën “Luan Haradinaj”në qendër të Prishtinës, rreth orës 10 të ditës së sotme.
Arrestimi I tij është bërë në lidhje me një hetim financiar për korrupsion ku dyshohet për keqpërdorim të detyrës apo pozitës zyrtare, marrje të ryshfetit, shmangie të tatimit, ushtrim të ndikimit dhe larje të parave.
Task Forcës Kundër Korrupsionit e Policisë së Kosovës ka bastisur edhe shtatë lokacione, përfshirë banesat private të katër të dyshuarve, ndër të cilat edhe ajo e Guvernatorit të Bankës Qendrore të Kosovës, zyrat e Bankës Qendrore të Kosovës si dhe një kompani private.
Bastisjet janë autorizuar nga gjykatësi i procedurës paraprake i EULEX-it nga Gjykata e Qarkut në Prishtinë. Një prokuror kosovar nga Prokuroria Speciale e Kosovës si dhe monitoruesit policor to EULEX-it dhe një oficer ndërlidhës, kanë hyrë në Bankën Qendrore për mbikqyrje dhe për të siguruar mbledhjen efektive të provave materiale si dhe për t’u dhënë shpjegimet e plota dhe të duhura personave që janë aty .
 

< Paraprake		Pasuese >