Shtetet e Bashkuara e kanë përshëndetur vendimin e Gjykatës Ndërkombëtare të Drejtësisë se shpallja e pavarësisë së Kosovës, më 2008, ishte e ligjshme. SHBA ka porositur Evropën se “është koha të bashkohet për një të ardhme të përbashkët”. “Gjykata Ndërkombëtare të Drejtësisë ka pohuar fuqishëm se shpallja e pavarësisë së Kosovës është e ligjshme, një gjykim të cilin ne e mbështesim. Tani është koha për Evropën të bashkohet për një të ardhme të përbashkët", ka thënë zëdhënësi i Departamentit të Shtetit, P.J. Crowley, në një deklaratë për shtyp, transmeton Express.
Në anën tjetër vlerësimi i GJND-së se shpallja e pavarësisë së Kosovës nuk e ka shkelur të drejtën ndërkombëtare, ka irrituar Rusinë, aleatin më të madh të Serbisë. Sipas zëvendës-shefit të Komitetit për Punë të Jashtme të Dumës ruse, Slutsky Leonid, GJND-ja ka sjellë frikë se mund të rriten pretendimet për pavarësi nga vende të tjera. Diplomati rus ka thënë se me ky rast mund ta hapë "kutinë e Pandorës". Ai ka bërë dallimin në mes të asaj se pse duhet njohur Kosovën, e jo Osetinë Jugore dhe Abkhazinë.

 

< Paraprake		Pasuese >