Në pritje të opinionit të Gjykatës Ndërkombëtare të Hagës, Aleanca Kosova e Re edhe një herë ka ritheksuar besimin e saj se opinioni i GJND-së do të konfirmojë të drejtën e pakontestueshme të popullit të Kosovës për liri dhe pavarësi në kuadër të kufijve të njohur te Republikës së Kosovës ndërkombëtarisht nga tashmë 69 shtete. Përmes një deklarate, AKR shpreson se pas këtij opinioni, institucionet vendimmarrëse të Kosovës do të përqendrohen ne strategjinë e njohjeve dhe ngritjen e efikasitetit të shtetësisë sonë, me fokusin e veçantë në zhvillimin ekonomik të Kosovës.
Ndërkaq, lidhur me ndalimin e liderit të AAK, Ramush Haradinaj në Tribunalin e Hagës, Aleanca Kosova e Re, shprehë keqardhjen për vendimin në fjalë dhe shprehë besimin në pafajësinë e tij. “AKR beson se edhe ne ketë rast do te mbrohet lufta e drejtë e UÇK-së, që ishte brenda normave të së drejtës ndërkombëtare për një lufte çlirimtare, që nuk u drejtua kundër civileve të pafajshëm”, thuhet nga AKR. Ndër të tjera, ky subjekt politik vlerëson reagimet e përmbajtura dhe thirrjet për vetëpërmbajtje te drejtuesve të AAK-së dhe i bashkëngjitet kësaj thirrjeje me besimin e plotë se edhe kësaj radhe drejtësia do të triumfojë.
 

< Paraprake		Pasuese >