Ambasadori i Francës në Kosovë, Jean-Francois Fitou tha sot se pret që opinioni këshillëdhënës i GJND-së të jetë dykuptimësh. Si të tillë këtë vendim, Prishtina e Beogradi zyrtar, do të mund ta interpretojnë sipas dëshirave të veta.
Si mysafir në emisionin Ora e Pasdites, diplomati francez tha se nuk pret që opinioni i GJND-së të jetë as bardh e as zi, por më shumë gri, dhe do të kërkoj një analizë pasuese për të parë dhe kuptuar detajet juridike që janë rreshtuar nga gjykatësit.
Por e gjithë kjo ngjarje, sipas ambasadorit Fitou, do të shërbejnë për uverturën e bisedimeve të reja mes dy shteteve Kosovës e Serbisë, ndërsa shfaqi shpresën që burrështetasit e të dyja vendeve do të gjejnë guximin për të tejkaluar pozitat e tyre të ngurta. Sipas tij, diskutimet Prishtinë Beograd, do të hapen sipas listës së temave të propozuara nga dy vendet, por se statusi, ndarja dhe shkëmbimi i territoreve, nuk janë në tavolinën e bisedimeve.
 

< Paraprake		Pasuese >