Presidenti i Kosovës, Fatmir Sejdiu, tha sot se nuk ka asnjë dilemë që mendimi i GJND-së, do të jetë në favor të Kosovës.

Sipas tij, ky mendim do të jetë në përputhje me vullnetin e popullit për liri dhe pavarësi, vullnet i cili është mbështetur edhe nga faktori ndërkombëtar.

Po ashtu, Sejdiu ripërsëriti qëndrimin e tij, se statusi i Kosovës do të jetë i pa negociueshëm në rast se vendoset që të ketë biseda me Serbinë.

Këto komente, presidenti i Kosovës, i bëri në Pejë, ku vizitoi gjykatën Komunale dhe atë të Qarkut të kësaj komune. Me këtë rast, Sejdiu tha se drejtësia kosovare si shtyllë e shtetit po shkon drejt avancimit të saj.
Më pas, Sejdiu e ka vizituar edhe komunën e Prizrenit.


 

< Paraprake		Pasuese >