Shefi i Kombeve të Bashkuara, Ban Ki Mun ka deklaruar se pret një opinion pozitiv nga Gjykata Ndërkombëtare e Drejtësisë për pavarësinë e Kosovës.

Sipas tij, Kombet e Bashkuara dhe shtetet e tjera duhet të shikojnë realitetin e shtetit të ri të Kosovës.

“Jam i informuar për kërkesën serbe mbi legalitetin e pavarësisë së Kosovës. Vendimi do të jepet më 22 korrik dhe kjo temë do të jetë në qendër të debatit në Këshillin e Sigurimit.

Por cilido që të jetë vendimi, vendet anëtare janë të detyruara të pranojnë realitetin e ri”, ka pohuar Ki Mun, gjatë një konference në Gjenevë, pasi është pyetur nga një gazetar shqiptar.
 

< Paraprake		Pasuese >