Anëtari i Presidencës së Bosnjës dhe Hercegovinës, Zeljko Komsic, ka porositur presidentin e Serbisë, Boris Tadiç se e njeh tërësinë territoriale të Serbisë pa Republikën e Kosovës.

Ai ka kërkuar nga Tadiç dhe ai i Kroacisë, Ivo Josipovic që të mos merren me Bosnjen dhe Hercegovinën, por siç ka thënë ai “t’i shikojnë punët e veta”.

Agjencia “Telegraf” njofton se anëtari kroat i Presidencës së Bosnjës dhe Hercegovinës, i ka bërë këto komente pas takimit që patën të hënën në Beograd.

Kjo deklaratë ka nxitur reagime të ashpra në Republikën Serbe. Anëtari serb i Presidencës së Bosnjës dhe Hercegovinës, Nebojsa Radomanovic, ka deklaruar se Sarajeva nuk do ta njoh pavarësinë e Kosovës pavarësisht se çfarë mendon Komsic apo anëtari tjetër i Presidencës që përfaqëson njësinë boshnjake të kësaj federate.

Radomanovic ka deklaruar se për njohjen e Kosovës është e nevojshme të kenë një qëndrim të tria njesitë që përbëjnë Bosnjën dhe Hercegovinën (Kroate, Boshnjake dhe Serbe.

 

< Paraprake		Pasuese >