Zyrtarë nga Dogana e Kosovës njoftuan se ky institucion gjatë 24 orëve të fundit nga taksat e mallrave të importuara ka arritur të mbledhë të hyra në shifër rekorde në vlerë prej mbi 5 milionë e 286 mijë Euro.

Statistikat e publikuara nga Doganat tregojnë se gjatë ditës së djeshme janë mbledhur të hyrat sipas këtyre kategorive: Dogana mbi 647 mijë e 407 Euro, Akciza mbi 1 milionë e 467 mijë Euro dhe TVSH-ja mbi 3 milionë e 170 mijë e 944 Euro.

Sipas zyrtarëve të Doganës, deri në javën e parë të korrikut ky institucion ka mbledhur të hyra prej mbi 299 milionë e 346 mijë e 161 Euro, shumë kjo që është 6,3 për qind (17.7 milionë euro) më e lartë se vitin e kaluar, pasi në të njëjtën periudhë të vitit 2009 dogana kishte mbledhur 281 milionë e 614 mijë e 73 Euro.

Thuhet se në përgjithësi mbledhja e të hyrave nga Dogana gjatë periudhës së parë të këtij viti është rritur në krahasim me vitin e kaluar dhe kjo sipas këtij institucioni, është si rezultat i profesionalizimin të mëtejmë dhe rritjes së kontrolleve në tërë territorin.
 

< Paraprake		Pasuese >