Për veriun, i cili vazhdon të mbetet pikë reference për bisedimet e ardhshme, u fol edhe në Çagllavicë. Zyrtarët të Kosovës e Serbisë, në këtë takim joformal sërish shfaqën dallimet e tyre.

Zëvendëskryeministri, Hajredin Kuqi ka kërkuar nga Beogradi që të ndalin presionin ndaj serbëve të Kosovës dhe t’i lënë të lirë të integrohen në shoqërinë kosovare.

Sipas tij, aty ku nuk ka presion nga Beogradi është vërejtur pjesëmarrja e qytetarëve serb në institucionet e Kosovës.

Ndërkohë, Kuçi ka thënë se Prishtina zyrtare do të vazhdojë shtrirjen e autoritetit në veri pavarësisht tendencës së Beogradit dhe serbëve lokal për të pamundësuar një gjë të tillë.

Oliver Ivanoviq tha se kosovarët duhet ta heqin nga koka se Serbia ndonjëherë do të njeh pavarësinë e Kosovës. Për serbët, siç tha ai, Kosova nuk është e pavarur dhe nuk ka kush t’i bind serbët se ata kanë humbur Kosovën.

Panelistë ishin edhe përfaqësues të EULEX-it të cilët paralajmëruan se shumë shpejt do të ketë arrestime. Kështu tha sot zëvendësi i shefit të EULEX-it, Roy Reeve, gjatë një debati në qendrën mediale në Çagllavicë. Hetimet që po vazhdojnë në Kosovë, siç tha Reeve, shumë shpejt do të rezultojnë me arrestime.

< Paraprake		Pasuese >