Të enjten kryeministri Hashim Thaçi udhëtoi për Londër, ndërsa nga atje do të vazhdojë për Shtetet e Bashkuara të Amerikës me ç’rast do të takohet edhe me nënpresidentin Xhozef Bajden.

Në kuadër të kësaj vizite, ai do të ketë takime edhe në Departamentin e Shtetit dhe në Kongres, ndërsa do të pritet në takime të nivelit të lartë edhe nga udhëheqësit e Bankës Botërore dhe Fondit Monetar Ndërkombëtar.

Ndërkaq, në Institutin e Paqes të Shteteve të Bashkuara të Amerikës, do të mbajë ligjëratë me temën “Ndërtimi i së Ardhmes Euro-Atlantike të Kosovës: Sfidat dhe Mundësitë Para Nesh”.
 

< Paraprake		Pasuese >