Sekretarja amerikane e shtetit Hillari Kllinton po lobon për pavarësinë e Kosovës. Sipas medieve serbe, kryediplomatja amerikane është kyçur drejtpërdrejt në kundërshtimin e rezolutës që Serbia pritet ta paraqes në Asamblenë e Përgjithshme të OKB-së në sesionin vjeshtor.

Gazeta Blic shkruan se Kllinton po lobon në shtetet të cilat nuk e kanë njohur Kosovën, meqë ky shtet nuk ka rrjet të fuqishëm diplomatik.

Po sipas kësaj gazete, qeveria serbe është duke kërkuar heshtjen e vendeve të rajonit për rezolutën që do të paraqes. Skenari që ka bërë gati Beogradi zyrtar, siç thotë Blic, është që Kroacia, Maqedonia, Mali i Zi dhe Bosnja e Hercegovina, të abstenojnë gjatë votimit, për të treguar një respekt ndaj palës serbe.

Por, faktori ndërkombëtar i ka kujtuar Serbisë që të heq dorë nga kjo nismë, sepse vetëm do t’i shkaktojë telashe. 

< Paraprake		Pasuese >