Gjykata Komunale e Prizrenit, ka dënuar gjyqtarin Elez Hoxha me katër vite burg dhe 10 mijë euro gjobë, për pranim të ryshfetit gjatë punës së tij si gjykatës në Gjykatën e Qarkut në prishtinë gjatë periudhës 2005/07.

Vendimi është dhënë nga një panel i përzier i gjykatësve, përfshirë edhe një gjyqtar të EULEX-it e kanë.

Përmes një njoftimi për media EULEX, bëri të ditur se Elez Hoxha është shpallur fajtor për pranimin e së paku 53 mijë eurove, një makine Kadi Volkswagen për djalin e tij, si dhe shuma të tjera parash nga Vesel Alshiqi, për të liruar Afrim Alshiqin ose Besim Alshiqin, që të dy të akuzuar për vrasje, ose, në qoftë se shpallen fajtor, të urdhërojë një dënim jo-proporcionalisht të lehtë.

“I pandehurit kishte kryer një kundërvajtje penale - pranimin e ryshfeteve në bazë të nenit 343 (1) të Kodit të Përkohshëm Penal të Kosovës. Elez Hoxhën e dënuam me 4 vjet burg. Gjykata gjithashtu vendosi një gjobë prej 10 mijë euro sipas Nenit 54 (2) të Kodit Penal të Kosovës”, njofton EULEX.

Ndërkaq në pajtim me nenin 73 të Kodit Penal të Kosovës, kohën që Elez Hoxha e ka kaluar nën arrest shtëpiak gjatë periudhës 27 qershori - 24 shtator 2008 do të merret parasysh në dënimin e shqiptuar sot.
 

< Paraprake		Pasuese >