Ilir Tolaj u lirua nga arresti. Ai pati dorëzanë të fort për lirimin e tij. Nuk ishte fjala e ndonjë burri kosovar që i besoi gjykatësi i EULEX-it.

Diçka tjetër ia mbushi mendjen këtij të fundit për të liruar këshilltarin e ministrit Bujar Bukoshi, u paguan 50 mijë Euro, për t’u liruar në shtëpi, ndërkohë që gjyqi ndaj tij do të vazhdojë.

Tolaj dyshohet se i ishte shmangur tatimit gjatë kohës sa ishte angazhuar nga zviceranët për të kontrolluar gjendjen shëndetësore të pensionistëve invalidor nga ky vend perëndimor.

Dy vjet më parë ish-ministri i shëndetësisë, Alush Gashi, e pati shkarkuar Tolajn nga posti i sekretarit të përhershëm në Ministrinë e Shëndetësisë, me akuzat për keqpërdorim. Mirëpo, ministri aktual Bujar Bukoshi, e angazhoi si këshilltar.

Hetimi është duke u kryer nga Policia e EULEX-it nën mbikëqyrje të zyrës së Prokurorisë Speciale.
 

< Paraprake		Pasuese >