Gjykata Ndërkombëtare e Drejtësisë do të shpallë opinionin e saj këshilldhënës për pavarësinë e Kosovës më 22 korrik të këtij viti.

Lajmi është bërë i ditur nëpërmjet një komunikate për media nga Gj.N.D. Organi kryesor i drejtësisë i Kombeve të Bashkuara ka bërë të ditur se seanca do të mbahet në hollin e madh të Pallatit e Paqes në Hagë, në orën 15.00 sipas kohës lokale, në të cilën do të lexohet mendimi nga presidenti i Gjykatës gjykatësi Hisashi Owada.

Në të do të jenë të pranishëm pjesëmarrësit e dëgjimit si dhe përfaqësuesit e korit diplomatikë. 

Në njoftim thuhet se mendimi do të jepet në përputhje me të drejtën ndërkombëtare të deklaratës së pavarësisë nga institucionet vetëqeverisëse të Kosovës.

Seanca do të transmetohet direct në web-site-n e gjykatës. Pas seancës do të mbahet një konferencë për shtyp ku do të prezantohet një përmbledhje e mendimit këshilldhënës.

< Paraprake		Pasuese >