(UPDATED)
Gjykata e Qarkut në Prishtinë i ka caktuar Fahredin Gashit, një muaj paraburgim shtëpiak, ka bërë të ditur avokati Bajram Tmava. 

Në Gjykatën e Qarkut në Prishtinë të mërkurën në mëngjes u mbajt seanca e parë për Fahredin Gashin, i cili dje është arrestuar nga policia e EULEX-it në lidhje me hetimet për rastin “Bllaca”.

Avokati mbrojtës, Bajram Tmava ka thënë për Kosovapress se në orën 8.30 të ditës së mërkurë është mbajtur seanca e parë dëgjimore dhe se pas pushimit pritet të merret një vendim.

Tmava konfirmoi edhe një herë që klienti i tij nuk ka pranuar akuzat siç thotë ai të ngritura nga një njeri “psikopat”.

Ndryshe, policia e EULEX-it të martën në Prishtinë ka arrestuar Fahredin Gashi në lidhje me hetimet që Zyra e Prokurorit Special është duke u zhvilluar për rastin “Bllaca”.
 

< Paraprake		Pasuese >