Presidenti i Republikës së Kosovës, Fatmir Sejdiu tha pavarësia e Kosovës, është vullnet i pakthyeshëm.
Duke folur për vendimin e GJND-së, ai tha se nuk dëshiron ta paragjykojë, megjithatë sipas tij faktet që i ka ofruar Kosova në këtë institucion ndërkombëtar, nuk mund t’i rrëzojë askush.

Sejdiu, po ashtu foli edhe për hapjen e gjykatave në veri,duke thënë se është interes i të gjithëve, funksionimi i drejtësisë në vend. Këto komente, Sejdiu i bëri pas takimit me kryetarin e Prishtinës, Isa Mustafa. Sejdiu, tha se është për një zgjidhje të drejtë të Pallatit të Rinisë, e kjo zgjidhje sipas tij, u takon deputetëve.

Ndërkohë, kreu i Prishtinës Isa Mustafa, tha se Ligji për Prishtinën, nuk është vetëm në interes të qytetarëve të kryeqytetit, por sipas tij, ky ligj është në interes edhe të institucioneve qendrore. Ndryshe, presidenti Sejdiu vizitën në komunën e Prishtinës e realizoi në kuadër të turneut që do ta ketë nëpër qytete të Kosovës
 

< Paraprake		Pasuese >