Beogradi po planifikon t’i bëjë një ofertë Prishtinës për ndërrim territoresh, shkruan sot e përditshmja Blic.
Sipas kësaj gazete, që thirret në burime të veta nga qarqet e larta qeveritare atje, Serbia do ta japë pjesën jugore të saj, më saktë Luginën e Preshevës, për veriun e Kosovës.

Dhe për ta bërë këtë ofertë më të ëmbël, Beogradi, që në këtë ide, sipas Blic, ka mbështetje të plotë nga Rusia, do të pranojë që Prishtina të bëhet anëtare e plotfuqishme e OKB-së, me ulëse në New York.

Burimet diplomatike i kanë thënë gazetës në fjalë se Beogradi po e pret vetëm mendimin e Gjykatës ndërkombëtare të Drejtësisë si një moment të mirë për ta bërë publike iniciativën e vetë për ndërrim territoresh.
Idetë e tilla, deri tashti, janë refuzuar kategorikisht nga pala kosovare

< Paraprake		Pasuese >