Presidenti i Bashkimit Evropian, Herman Von Rompujt dhe kryeministri slloven Borut Pahor, janë të shqetësuar për Veriun e Kosovës
Këtë bindje e thanë gjatë një takimi që zhvilluan të hënën në Bërdo të Sllovenisë.
Van Rompuj deklaroi se ka ardhur të vizitojë rajonin për sjellë mesazhin që ardhmëria e këtij rajoni shtrihet në integrimet Euro-Atlantike. Ndërsa, Pahor tha se nuk është i sigurt nëse ngjarjet në veriun e Kosovës janë incidente të rastit, apo pjesë e një politike konzistente.
Por haptas e shfaqi qëndrimin se përkrah idenë e dialogut në mes palëve.
Pas Bërdos, Rompuj udhëtoi për në Beograd ku u takua me Presidentin Boris Tadiq.
Dy liderët diskutuan rreth ardhmërisë së Serbisë në BE.
Ndryshe, i pari i bllokut 27 anëtarësh të martën qëndron në Prishtinë, ku do të pritet nga zyrtarët më të lartë të Kosovës.

< Paraprake		Pasuese >