EULEX-i me vendosmëri dënoi sulmin me armë ndaj Petar Miletiq.
Anëtari i Kuvendit të Kosovës u sulmua të hënën në mëngjes në pjesën veriore të Mitrovicës. Përmes një komunikate për media, EULEX tha se përdormi i dhunës është plotësisht i papranueshëm. Misioni evropian poashtu tha se po mbështet Policinë e Kosovës edhe në hetimet e tyre për gjetjen e autorëve të incidentit të së premtes, por edhe të incidentit ndaj politikanit, megjithatë shtoi se pa rezultate të këtyre hetimeve, spekulimet nuk janë të dobishme.
Në çdo hetim penal dëshmitë duhet të grumbullohen dhe kontrollohen nga hetuesit dhe prokurorët me saktësi dhe përpikshmëri maksimale para se të mund të arrihet tek ndonjë përfundim, thuhet më tej në komunikatë.

< Paraprake		Pasuese >