Deputeti i Kuvendit të Kosovës, Petar Miletiq, është plagosur sot në mëngjes në pjesën veriore të Mitrovicës, nga persona të panjohur.
Sulmi ndaj tij ndodhi rreth orës 8, në korridorin e ndërtesës ku banon në rrugën “Filip Vishnjiq”.

Zëdhënësi i policisë, Besim Hoti i tha Klan Kosovës, se katër plumba janë shkrepur në drejtim të tij, ndërsa njëri e ka qëlluar nën gju.
Ai po trajtohet në spitalin në veri të Mitrovicës.

Miletiq është deputet nga radhët e Partisë së Pavarur Liberale, dhe është kryesues i Këshillit Konsultativ për Komunitete.
Sulmi ndaj tij, vjen pak ditë pas trazirave të organizuara nga serbët, në të cilat humbi jetën një qytetar i përkatësisë boshnjake dhe janë lënduar 10 serbë.

< Paraprake		Pasuese >