E shkarkon vetëm trupi që e ka zgjedhur.

Presidentin e Kosovës, mund ta heq nga posti vetëm parlamenti dhe atë me 2/3 e votave të ligjvënësve.

Kështu e interpretoi kushetutën në Zona B, Arsim Bajrami, njëri nga hartuesit e saj.

Janë tre çështje që mund ta largojnë presidentin, krimi i rëndë, sëmundja dhe vendimi i Gjykatës Kushtetues nëse konstaton se ka shkelje të rëndë, por kjo sërisht i mbetet parlamentit të vendosë për vazhdimin ose jo të mandatit, i cili edhe e ka zgjedhur, ka thënë Bajrami.

Ndërkohë, sipas burimeve të Klan Kosovës tre deputet të komunitetit serb kanë tërhequr nënshkrimet e tyre nga lista e lista 30 anëtarshe që i është dërguar gjykatës kushtetuese për fillimin e çështjes së presidentit. Naim Rrustemi, deputeti që ka ndërmarrë këtë nismë, mohon jetë në dijeni për dicka të tillë

E Bajrami që është profesori i së drejtës kushetuese, tha se kjo gjykatë trajton vetëm rastet të cilat janë të rënda. Por a konsiderohet si më pak i rëndë, rasti aq shumë i debatuar i presidentit Sejdiu?

"Është problem të dihet se sa është e rëndë, këtë do e vendosë vetëm Gjykata Kushtetuese", ka shtuar Bajrami.

Presidenti Sejdiu po ballafaqohet me presione të vazhdueshme për dorëheqje nga posti që nga momenti i zgjedhjes së tij në krye të shtetit. Shumë organizma politike dhe jopolitike e quajnë qëndrimin e tij në dy poste si kryetar shteti dhe i LDK-së si antikushtetuese.



 

< Paraprake		Pasuese >