Në Aeroportin e Prishtinës, Dogana e Kosovës ka konfiskuar armë dhe municion të kalibrave të rëndë, nga dy persona të cilët vinin nga Gjermania. Ata janë ndaluar në kanalin e gjelbert duke mbajtur një pako të zezë, të mbushur me armatim.

Zyrtarët doganor kanë konfiskuar pakon e zezë dhe së bashku me policinë kanë gjetur këto lloje të armëve të zjarrit:

Një HOOT GUN TAKTICAL/12 Gauge, Model: REMINGTON 870 TAKTICAL, 

Një pistoletë, HECKLER & KOCH, Modeli: MARK 23, Kalibi 45 Auto, një KARABIN gjuetie – gjysmë automatike, një Model BROWING BARR II, dy karikatorë për pushkë gjysëmautomatike KARABIN, dy karikatorë për pistoletën HECKLER kalibri 45x10.

Gjithashtu kontroll është ushtruar edhe në bagazhet e një bashkëudhëtareje të të ndaluarve, ku janë gjetur sasi të municionit. 

1. Fishekë për KARABIN Gjuetie – 40 copë,
2. Fishekë për SHOOT GUN TAKTICAL – 10- copë,
3. Fishekë për Pistoletë HECKLER – 150 copë.
4. Dylbi BUSHNELL ELITE 3200, 3-9x40 – 1 copë.

Sipas një komunikate të lëshuar nga dogana e Kosovës, rasti i është dorëzuar Policisë së Kosovës për hetime të mëtejshme.
 

< Paraprake		Pasuese >