Lidhja Demokratike e Dardanisë i ka bërë kërkesë Kuvendit të Kosovës që të stopojë procesin e privatizimit te Postë-Telekomit të Kosovës. Sipas nënkryetares së LDD-së Besa Gaxheri PTK-ja, është kompani profitabile dhe më e suksesshmja në vend andaj pronësia e saj duhet të ruhet me çdo kusht. Gaxherri ka shtuar se PTK është tatimpaguese numër një ne Republikën e Kosovës dhe ka më shumë se 4 mijë të punësuar. Sipas Gaxherrit vetëm vitet e kaluara kjo kompani në emër të dividentës ka kontribuar në buxhet me 280 milionë euro andaj qeveria nuk ka kurrfarë arsyeshmërie ekonomike për ta privatizuar atë.
Për këtë arsye LDD i bënë thirrje të gjithë qytetarëve të Kosovës dhe faktorëve relevant që mos të lejohet privatizimi i kësaj kompanie. Për privatizimin e PTK LDD kërkoi edhe debat parlamentar.

< Paraprake		Pasuese >