Dardanët dolën të shtunën me kritika në fushën e arsimit, shkencës e kulturës.

Sipas Sali Gashit, drejtues i komisionit për këto fusha në LDD, premtimet e dhëna për këto lami nuk janë askund afër përmbushjes.
Darkat e drekat e kryeministrit Hashim Thaçi me punëtorët e arsimit i cilësoi si mënyrë për ta ruajtur pushtetin dhe i quajti mashtrime optike pa rezultate. LDD pati vërejtje edhe për parregulluesitë e shumta në testin e maturës.

Gashi tha se institucionet shkencore janë politizuar dhe se ato nuk janë institucione kombëtare, por partiake që gjenerojnë korrupsion e nepotizëm. Sipas tij, edhe mjetet e ndara prej 1 milion euro, për këtë fushë janë të pakta, ndërkohë që plani për shkencë nuk po aprovohet dhe të futet në punë. Sipas LDD-së, kjo gjendje duhet t’i shqetësoj institucionet e shtetit, sepse me një cilësi të tillë do ketë pasoja në te ardhmen.

< Paraprake		Pasuese >