Njeriu i dytë në qeverinë e Kosovës, Hajredin Kuçi, deklaroi se opinioni i GJND-së do ta forcojë legjitimitetin demokratik të qëndrimeve dhe vendimeve të popullit të Kosovës.

Në një intervistë për gazetën Express, ai nuk e përjashtoi mundësinë që opinioni të jetë neutral, por shtoi se ngjyrimin do t’ia japin interpretimet nga juristët, politikanët e qytetarët nga të dyja palët.

Zëvendëskryeministri Kuçi, shprehu bindjen e plotë që ky mendim ka efekt juridik, por shumë më shumë do të ketë efekt politik.

Sipas tij, interpretimit do t’i jepet shtytje e madhe politike për shkak të vetë përmbajtjes së tij. Por, natyrisht që ka nevojë që ai interpretim të jetë i drejtë, adekuat dhe në përputhje të plotë edhe me synimet e atij mendimi që ka dhënë vetë GJND’ja, tha Kuçi.

Ai bëri të ditur se kosovarët bashkë me ndërkombëtarë po punojnë që ta bëjnë një sqarim të plotë dhe ta krijojnë një përshtypje që mendimi i Gjykatës të jetë i pranueshëm dhe që pavarësia e Kosovës të jetë e pakthyeshme.
 

< Paraprake		Pasuese >