Presindeti malazez Filip Vujanoviq dhe ai maqedonas George Ivanov, do të jenë të parët që vijnë në takimin e liderëve. Me ta kryetari Fatmir Sejdiu do të darkojë në hotelin Sharr.

E Bamir Topi i Shqipërisë, arrin të shtunën në mëngjes, në ditën kur mbahen takimet zyrtare. Takimet bilaterale fillojnë paradite, ndërkaq pas drekës mbahet takimi i përbashkët i liderëve. Kryetari serb, nuk është ftuar në këtë samit, ndërsa Beogradi zyrtar reagoi për këtë çështje.

Sipas sekretarit shtetëror të Serbisë për Kosovën, Olliver Ivanoviq, një konferencë e tillë pa presidentin serb Boris Tadiq humb peshën.

Presidenca e Kosovës thotë të jetë e gatshme të organizojë minisamitin e liderëve të rajonit, ku të ftuar janë Presidenti i Shqipërisë Bamir Topi, ai i Maqedonisë Georgi Ivanov dhe Presidenti i Malit të Zi, Filip Vujanoviq, ndërkohë nuk është i ftuar presidenti serb Boris Tadiq.

Në një deklaratë të mëparshme të presidentit Sejdiu, është theksuar se kjo është bërë për shkak se nuk mund të ftohet dikush i cili vazhdimisht është kundër pavarësisë së Kosovës.

Sipas zyrës për informim në presidencës së Kosovës temë kryesore do të jetë bashkëpunimi ndërajonal dhe takimi do të mbahet në Prevallë të Prizrenit prej 25 deri me 27 qershor.
 

< Paraprake		Pasuese >